धरान– नेपाल कम्युनिष्ट पार्टीका संस्थापक नेता पुष्पलाल श्रेष्ठका राजनीतिक नीति एवं दर्शनहरुको प्रचार–प्रसार गर्नेलगायतका विभिन्न उद्धेश्यहरु राखि स्थापना भएको ‘पुष्पलाल मित्रता केन्द्र’ले प्रदेश नम्बर १ मा कमिटी गठन गरेको छ ।
देशव्यापी रुपमा तीव्र रुपमा कमिटी गठन गरिरहेको केन्द्रले भाष्कर काफ्लेको अध्यक्षतामा आइतबार ३५ सदस्यीय कमिटी गठन गरेको हो ।
सुनसरीको इटहरीमा केन्द्रका केन्द्रीय अध्यक्ष जगन्नाथ खतिवडाको प्रमुख आतिथ्यतामा भएको भेलाले कमिटीको उपाध्यक्षमा इन्द्र वुढाथोकी र सचिवमा मोतीराज सुनुवारलाई चयन गरेको छ । अध्यक्षको जिम्मेवारीमा चयन भएका भास्कर झापाको अर्जुनधारा निवासी हुन् । त्यसैगरि उपाध्यक्ष वुढाथोकी झापाको दमक र सचिव सुनुवार धरानका हुन् । नव गठित पुष्पलाल मित्रता केन्द्रमा १ नम्बर प्रदेशभरीका कम्युनिष्ट राजनीतिमा लागेका नेताहरुलाई समेटिएको छ ।
केन्द्रका सदस्यहरुमा क्रमसः प्रदेशभरीका जिल्लाहरु भोजपुरबाट केवल राई र मेरीना राई । तेह्रथुमबाट विष्णुविक्रम सुव्वा,गणेश सेन,गोपाल दाहाल र सोम गौतम । ओखलढुङ्गाबाट शंकर कार्की र शंकर कटवाल । इलामबाट हिमाल किराती, ध्रुव श्रेष्ठ र मुना शर्मा । पाँचथरबाट उपेन्द्र दंगाल र गंगा चेम्जोङ । मोरङबाट वालेश्वर कामत,नारायणी भण्डारी र वद्री अर्याल । उदयपुरबाट ज्ञानेन्द्र श्रेष्ठ, केन्द्र राउत, गिता खड्का र झापाबाट इन्द्र वुढाथोकी, पुष्पराज पोख्रेल लगायत छन् । अन्यलाई पुनः केन्द्रको वैठकले थप गर्ने जनाइएको छ ।
केन्द्रका केन्द्रीय महासचिव रवीन कोईराला, संविधान सभा सदस्य रेवती भण्डारी, जयन्ती राईले कार्य सफलताको शुभकामना ब्याक्त गरेका थिए भने नव गठित कमिटीलाई मित्रता केन्द्रका उपाध्यक्ष यदुबंस झा, २ नम्बर प्रदेश कमिटी अध्यक्ष राजकुमार यादव लगायतले बधाई दिएका थिए ।
