काठमाडौं– लिओनल मेस्सीको उत्कृष्ट फ्रि किक गोलसँगै बार्सिलोनाले ला लिगाको महत्वपूर्ण खेलमा एथ्लेटिको मड्रिडलाई हराएको छ ।जितसँगै बार्सिलोनाले ११ खेल खेल्न बाँकी छँदा ८ अंकको अग्रता कायम राखेको छ ।आइतबार राति भएको खेलमा बार्सिलोनाले दोस्रो स्थानमा रहेको एथ्लेटिकोलाई १–० ले हराएको हो ।
घरेलु मैदानमा भएको खेलमा बार्सिलोनाले २६ औं मिनेटमा मेस्सीको गोलबाट अग्रता लिएको थियो । उनले फ्रि किकमा उत्कृष्ट गोल गरेका थिए ।खेलमा थप गोल हुन सकेन र बार्सिलोना विजयी भएको छ । जितसँगै बार्सिलोनाको २७ खेलबाट ६९ अंक भएको छ भने एथ्लेटिकोको समान खेलबाट ६१ अंक छ
