काठमाडौँ । सत्तारुढ नेपाल कम्युनिस्ट पार्टीका अध्यक्षद्वय केपी शर्मा ओली र पुष्पकमल दाहाल प्रचण्डबीच आज छलफल भएको छ ।
प्रधानमन्त्रीसमेत रहेका अध्यक्ष ओलीलाई भेट्न प्रचण्ड बालुवाटार पुगेका थिए । मन्त्रिमण्डल पुनर्गठनको चर्चा चलिरहेका बेला दुई अध्यक्षको भेट भएको हो । भेटमा पार्टीको आन्तरिक गतिविधिसँगै मन्त्रिमण्डल पुनर्गठनका विषयमा पनि कुराकानी भएको बताइएको छ ।
दुई नेताबीचको भेटावार्तामा हालका केही पुराना मन्त्रीहरुलाई बिदा गरेर नयाँलाई मन्त्री बन्ने अवसर दिने विषयमा कुराकानी भएको छ ।
मंगलबार पेरिसडाँडामा बसेको सचिवालय बैठकले नै मन्त्रिपरिषद् पुनर्गठन अघि बढाउने निर्णय गरेको थियो। मन्त्रिमण्डल पुनर्गठनका लागि मापदण्ड बनाउने भनेपनि अहिलेसम्म तय नहुँदा कसलाई बिदा गर्ने भन्ने विषयमा पार्टी भित्र सहमति भएको छैन् ।
अहिले सञ्चार तथा सूचना प्रविधि र अर्थमन्त्रालय खाली छन्। यी दुवै मन्त्रालयको कार्यभार प्रधानमन्त्री ओली आफैंले लिएका छन् । केही दिनअघिको सचिवालय बैठकले स्थायी कमिटीको निर्णयअनुसार मन्त्रिपरिषद् पुर्नगठन गर्ने निचोड निकालेको थियो।
