काठमाडौं । सेयर कारोबार रकम यस साता निरन्तर घटेको छ । साताको पहिलो दुई दिन सेयर कारोबार मापक नेप्से परिसूचक घटेको थियो ।
त्यसपछि मंगलबार बजार उच्च अंकले बढ्यो भने आज बुधबार बजार घटेको छ । बजारमा निकै ठूलो अंकको घटबढ भइरहे पनि सेयर कारोबार रकम भने निरन्तर घटेको हो । आइतबार सेयर कारोबार रकम ७ अर्ब माथि भएकोमा बुधबारसम्म आइपुग्दा ४ अर्ब रुपैयाँ पनि पुगेन । सोमबार ६ अर्ब ५९ करोड रुपैयाँको सेयर कारोबार भएको थियो भने मंगलबार घटेर ५ अर्ब रकम माथि पुग्यो ।
कारोबार रकम घट्ने क्रम चौथो दिन पनि जारी रह्यो । बुधबार ३ अर्ब ९९ करोड रुपैयाँको मात्रै सेयर कारोबार भएको नेपाल स्टक एक्सचेञ्जले जानकारी दिएको छ । मंगलबार उच्च अंकले बढेको नेप्से परिसूचक बुधबार भने कायम रहन सकेन । बुधबार नेप्से परिसूचक १३ दशमलव ७९ अंकले घटेर २ हजार ५ सय ८५ दशमलव २८ अंकमा झरेको छ ।
‘क’ वर्गका कम्पनीहरुको कारोबार मापन गर्ने सेन्सेटिभ इन्डेक्स पनि २ दशमलव १६ अंकले घटेको छ । केही दिन यता लगातार बढिरहेका दुई कम्पनीहरु महिला लघुवित्त वित्तीय संस्था र विशाल बजार कम्पनीको सेयर मूल्य बुधबार पनि उच्च अंकले बढेको छ ।
महिला लघुवित्तको आईपीओ सूचीकृत भएसँगै शुरु भएको बढ्ने क्रम अझै जारी छ । बुधबार महिला लघुवित्तको सेयर मूल्य ९ दशमलव ९९ प्रतिशतले बढेर प्रतिकित्ता २ हजार ८ सय ४१ रुपैयाँ पुगेको छ । विशाल बजारको पनि ९ दशमलव ९९ प्रतिशतले नै बढेर प्रतिकित्ता ४ हजार ६ सय ३६ रुपैयाँ पुगेको छ ।
आज धेरै कमाउने र गुमाउने कम्पनीहरुः
