काठमाडौं । शेयर बजार परिसूचक नेप्से साताको पहिलो दिन आइतबार नै ७२ं.३० अंकले घटेको छ ।
राष्ट्र बैंकको त्रैमासिक मौद्रिक नीतिको समीक्षापछि ओरालो यात्रा शुरु गरेको नेप्से घटेर आज २५१३.८८ विन्दुसम्म पुगेको छ ।
आज घटेको बजार बिहीबारभन्दा २.८० प्रतिशतले अझै कम हो । आइतबार कुल २२६ कम्पनीको ६० हजार ८८ पटक कारोबार भयो । यस कारोबारबाट ८९ लाख २० हजार ८ सय ९४ कित्ता शेयर किनबेच भएको छ । आइतबार कारोबार रकम ४ अर्ब ९ करोड ७ लाख ६५ हजार ३ सय २५ मात्र रह्यो । आइतबार सबै समूहको परिसूचक ओरालो लाग्यो । यसमध्ये वित्त, व्यापार, लगानीसहितका क्षेत्रमा रहेका कम्पनीको मूल्यमा सबैभन्दा धेरै घटुवा भयो ।
घट्दो बजारमा समेत आइतबार न्यादी हाइड्रोपावरका लगानीकर्ता भने मालामाल भए । यो कम्पनीको मूल्य सबैभन्दा बढी १० प्रतिशतले बढ्यो । यसबाहेक नयाँ सारथी लघुवित्त, मैलुङ खोला जलविद्युत, यूनिलिभर नेपाल, नारायणी डेभलपमेन्ट बैंकका लगानीकर्ताले बढी कमाए ।
आइतबार आईसीएफसी, सबैको लघुवित्त, ग्रिन डेभलपमेन्ट बैंक, पन्चकन्या माइ हाइड्रोलगायत कम्पनीका लगानीकर्ताले भने बढी गुमाएका छन् । आइतबार नेशनल हाइड्रो पावर कम्पनीको सबैभन्दा बढी कारोबार भयो ।
