काठमाडौं (पास)– बरोजगारीको समस्या अनि विभिन्न बाध्यताकाबीच वार्षिक चार लाखको हाराहारीमा युवा विदेशिईरहेको समकालिन परिस्थितिलाई केन्द्रमा राख्दै सामाजिक यथार्थतामा आधारित ‘आमा मलाई…’ बोलको गीत सार्वजनिक भएको छ ।
एउटा छोरा जो आफ्ना बृद्ध आमा र बुबालाई छोडेर विदेशिएको हुन्छ । त्यसपछि उसले विदेशमा पाएको दुःख र आफ्ना आमा–बुबाप्रति दर्शाउने प्रेम-भावलाई एकदमै मार्मिक ढंगले गीतमा उठाईएको छ ।
रमेश दहालको रचनामा डेनी निरौलाको संगीत र विश्व नेपालीको आवाजमा तयार भएको उक्त गीतमा युवा पलायनले गाउँ–घर रित्तिँदा आउने सामाजिक असन्तुलनको पक्षलाई पनि उत्तिकै जोडका साथ उठाईएको छ । त्यसैगरी वैदेशिक रोजगारीले आर्थिक, सामाजिक र स्वास्थ्य सुरक्षाको पक्षमा कस्तो भूमिका खेल्छ भन्ने कुराको पनि चित्रण छ र विदेश पलायनका कारण हाम्रा खेतियोग्य जमिनहरुका साथै अन्य सम्भावना भएका विषयहरु कसरी सकिने वा नासिने क्रम बढेको छ भन्ने पक्षको पनि चित्रण छ ।
रोमी वस्नेतको एरेञ्जमा रहेको उक्त गीतको ‘लिरिकल भिडियो’ बुढासुब्बा म्यूजिकमार्फत सार्वजनिक गरिएको छ ।
यस्तो छ गीत…
