डेंगुको संक्रमण देखिए पछि अस्पताल भर्ना भएका वरिष्ठ नेत्र रोग विशेषज्ञ डा सन्दुक रुइत स्वास्थ्य अवस्था सामान्य भएपछि अस्पतालबाट डिस्चार्ज भएका छन् ।
डेंगुको संक्रमण देखिएपछि गत शुक्रबार नर्भिक अस्पताल भर्ना भएका डा रुइत बुधबार अस्पतालबाट डिस्चार्ज भएको उनका सहयोगी केदार आचार्यले जानकारी दिए ।
अस्पतालबाट डिस्चार्ज भए पनि डा रुइत तत्काल बिरामीको उपचारमा भने संलग्न हुने छैनन् । डा रुइतको स्वास्थ्य अवस्था सामान्य भए पनि नर्भिकका चिकित्सकले १० दिन घरमै आरमा गर्न सुझाव दिएका छन् ।
उनी १० दिन घरमै आराम गरेपछि मात्रै आँखाका बिरामीको सेवामा फर्किने उनका सहयोगी आचार्यको भनाइ छ । ‘डाक्टर रुइतको स्वास्थ्य अवस्था अहिले सामान्य नै छ, घरमा आराम गरेर बस्नुभएको छ ।
हिजो अस्पतालबाट डिस्चार्ज भइसक्नु भयो,’ डा रुइतका सहयोगी आचार्यले भने, ‘तर उहाँ बिरामीको उपचार गर्न अस्पताल भने जानुहुन्छ, चिकित्सकले १० दिन आराम गर्न भनेका छन् । पूर्ण रुपमा ठिक भएपछि मात्रै जानुहुन्छ ।’
डेंगु लागेर डा रुइतसँगै अस्पताल भर्ना भएकी उनी छोरी पनि अस्पतालबाट डिस्चार्ज भएकी छन् । तर, भान्जी भने अझै अस्पतालमै छिन् ।
गत शुक्रबार ज्वरो आएपछि आफै नर्भिक अस्पतालमा स्वास्थ्यजाँचका लागि पुगेका डा रुइतलाई स्वास्थ्य परीक्षणको क्रममा डेंगु भएको पुष्टी भएको थियो । उनी ६ दिन अस्पताल भर्ना भएर बुधबार घर फर्किएका हुन् ।
डेंगु नियन्त्रणमा संकलकाल घोषणाको माग
देशभर फैलिएको डेंगु रोगले हजारौँ विरामी परिसकेका छन् । सरकारले गरेको नियन्त्रणको प्रयास पूरै असफल देखिएको छ । दिनप्रतिदिन संक्रमण फैलिन देशका विभिन्न जिल्लामा डेगुंको सक्रमण फैलिएसँगै त्रास नै फैलिएको छ ।
न फैलियोस नि कसरी रु अस्पतालमा उपचार गर्न आएका अधिकाशं विरामीमा डेगुं देखिएको छ । शुक्रराज ट्रपिकल तथा सरुवा रोग अस्पतालमा चिकित्सकलाई यति बेला भ्याइनभ्याइ छ ।
डेंगुको शंका गर्दै होस या डेगुं सक्रमितहरु जाँच गर्न आएका बिरामीको लाइन लागेको छ । काठमाण्डौमा ६ वर्ष यताकै सबैभन्दा बढी डेंगु रोगका बिरामी भेटिएका छन् ।
राजधानी बाहिर केही महिना अघिदेखि नै डेंगुको संक्रमण फैलँदा पनि सरकारले रोकथाम गर्न सकिरहेको छैन । प्रमुख प्रतिपक्षी दल नेपाली कांग्रेसले डेंगुको संक्रमण बढ्दै गएकाले संकटकाल घोषणा गर्न माग गरेको छ ।
राष्ट्रियसभाको बुधबारको बैठकको विशेष समयमा बोल्दै नेपाली कांग्रेसका सांसद राधेश्याम अधिकारीले डेंगु संक्रमण नियन्त्रणको सट्टा बढ्दै गएको र सर्वसाधरण आतंकित बनेको भन्दै तत्काल संकटकाल घोषणा गरि नियन्त्रणको लागि अभियान संञ्चालन गर्न सरकारको ध्यानाकर्षण गराएका हुन् ।
उनले ३ सय ५० रुपैया मात्रै पर्ने डेंगु जाँच किटको निजी अस्पतालहरुले २ हजार ६ सय रुपैया सम्म लिने गरेको तर्फ पनि सरकारको ध्यानाकर्षण गराए ।
बैठकमा सत्तारुढ दलकै सांसद कोमल ओलीले पनि डेंगु संक्रमण नियन्त्रणका लागि सरकार गम्भीर बन्न नसकेको टिप्पणी गरेकी थिइन् । वलीले केन्द्र, प्रदेश र स्थानीय सरकारबीच समन्वय गरेर डेंगु संक्रमण तत्काल नियन्त्रण गर्न सरकारको ध्यानाकर्षण गराइन् ।
प्रतिनिधिसभाको बुधबारको बैठकको शुन्य समयमा पनि सांसदहरुले डेंगु संक्रमणको प्रभावकारी नियन्त्रण गर्न सरकारको ध्यानाकर्षण गराएका छन् ।
सांसद विना देवी बुढाथोकीले डेंगु नियन्त्रण चुनौतिपुर्ण बनेको र संक्रमण फैलिदै जाँदा जनता पनि आतंकित भएको भन्दै प्रभावकारी रुपमा नियन्त्रणका लागि पहल गर्न सरकारको ध्यानाकर्षण गराइन् ।
सांसद सुजाता परियारले डेंगुको संक्रमण बढ्दै गएको भन्दै सदनमा दैनिक कुरा उठिरहदा पनि सरकार गम्भीर नबनेको भन्दै तत्काल प्रभावकारी कदम चाल्न सरकारको ध्यानाकर्षण गराइन् ।
बैशाखमा धरानमा देखिएको डेंगु संक्रमणबाट राजधानी काठमाण्डौमा २ सहित ६ जनाको मृत्यु भईसकेको छ भने हजारौ संक्रमित भएका छन् । संक्रमण नियन्त्रण हुनुको साटो फैलिदै गएको छ । तर सरकारले नियन्त्रणका लागि प्रभावकारी कदम चाल्न सकेको छैन ।