काठमाडौं– वाणिज्य, आपूर्ति तथा उपभोक्ता हित संरक्षण विभागले बजारमा विक्रिवितरण हुँदैआएको जार र बोटलको प्रशोधित पानीको अधिकतम खुद्रा मूल्य निधारण गरेको छ ।
विभागको नेतृत्वमा गठन भएको प्रशोधित पानीको जार तथा बोटलको पानी मूल्य निर्धारण कार्यदलको प्रतिवेदन सार्वजनिक गर्दै विभागले सोमबार पानीको नयाँ बजार मूल्य९एमआरपी० तोकेको हो ।
विभागको प्रतिवेदन अनुसार प्रशोधित पिउने पानीको खुद्रा मूल्य प्रतिबोटल अधिकतम १६ रुपैया तोकिएको छ । त्यस्तै प्रशोधित पिउने पानीकै प्रतिजार अधिकतम ५० रुपैंया मूल्य निर्धारण गरिएको छ ।
विभागको प्रतिवेदन अनुसार अबदेखि पानी उत्पादक तथा वितरक कम्पनीहरुले प्रतिजार २० रुपैंयामा, डिस्ट्रीब्युटरले ३५ रुपैयाँमा र खुद्रा व्यापारीले ४० रुपैंयासम्म बेच्न पाउनेछन् भने अधिकतम खुद्रा मूल्य ५० रुपैंया तोकिएको छ ।
त्यस्तै बोटलको प्रसोधित पानीमा भने विभागले प्रतिकार्टुन कम्पनीले ११० रुपैयाँ , डिस्ट्रीब्युटरले १३० रुपैयाँमा र खुद्रा व्यापारीले १५० रुपैंयासम्म बेच्न पाउने बताएको छ ।
तर बजारमा बिक्रि गरिने प्रति १ लिटर बोटलको पानीमा भने धिकतम १६ रुपैयाँ भन्दा बढि लिन नपाने विभागले जनाएको छ ।
