काठमाडौं । पछिल्ला केही दिन यता विश्वमा कोरोना संक्रमण बढेको छ । चारदिन यता कोरोना संक्रमितको संख्या क्रमशः उकालो लागिरहेको छ ।
पछिल्लो २४ घण्टामा विश्वमा ३ लाख ८३ हजार ३५९ कोरोना संक्रमित थपिएका छन् । अहिलेसम्मकै एकै दिन यति धेरै संक्रमित थपिएको यो सबैभन्दा धेरै हो ।
अघिल्लो २४ घण्टामा यो संख्या ३ लाख ५५ हजार २४४ रहेको विश्व स्वास्थ्य संगठनको तथ्यांकमा उल्लेख छ । हालसम्म विश्वमा कोरोना संक्रमितको संख्या विश्वमा ३ करोड ६७ लाख ५४ हजार ३९५ पुगेको छ । कोरोनाका कारण विश्वमा हालसम्म १० लाख ६४ हजार ८३८ संक्रमितको मृत्यु भइसकेको छ ।
