म्याग्दी । राष्ट्रिय खेलकुद प्रतियोगिता अन्तर्गत बेनीमा जारी महिला भलिबलको मंगलबार भएको पहिलो सेमिफाइनल खेलमा बागमतीलाई पराजित गर्दै शसस्त्र प्रहरीको एपीएफ क्लब फाइनलमा प्रवेश गरेको छ ।
एपीएफले बागमती प्रदेशलाई ३–१ को सेटमा पराजित गर्दै जित निकालेको थियो । पहिलो सेटमा २५–२३ मा खलेको बागमती त्यसपछिका तिन सेट लगातार पराजित भयो ।
एपीएफले बागमती माथि २५–२३,२५–२२,२५ –१६ मा खेल खेलेको थियो । निकै प्रतिस्पर्धा देखिएको खेलमा बागमतीका खेलाडीहरुले आफ्नो पक्षमा जित निकाल्न कोशिस गरेका थिए । दोस्रो सेमिफाइनल पुलिस क्लब र गण्डकी प्रदेशकाबीच भैरहेको छ ।
