काठमाण्डौ । नेपालमा आज थप दुई जनामा कोरोना भाइरसको सङ्क्रमण भएको पुष्टि भएसँगै संक्रमितको संख्या ४७ पुगेको छ ।
राष्ट्रिय जनस्वास्थ्य प्रयोगशाला टेकुमा गरिएको परीक्षणमा दुई जना सङ्क्रमित भएका पुष्टि भएको स्वास्थ्य मन्त्रालयले जनाएको छ ।
मन्त्रालयका प्रवक्ता डाक्टर विकास देवकोटाका अनुसार उदयपुरका ५५ वर्षकी एक महिला र जनकपुरका १४ वर्षका किशोरमा सङ्क्रमण भएको पुष्टि भएको हो ।
योसँगै नेपालमा कोरोना सङ्क्रमितको संख्या ४७ पुगेको छ भने ९ जना संक्रमित निको भएर घर फर्किसकेका छन् ।
