काठमाडौं । बितेको २४ घण्टामा नेपालमा थप २२६ जनामा कोरोनाभाइरसको संक्रमण पुष्टि भएको छ ।
स्वास्थ्य तथा जनसंख्या मन्त्रालयका प्रवक्ता डा विकास देवकोटाले सोमबारको नियमित प्रेस ब्रिफिङमा सो जानकारी दिएका छन् ।
थपिएका संक्रमितमा २१३ जना पुरुष र १३ जना महिला रहेका छन् ।
योसँगै नेपालमा कोरोनाभाइरस संक्रमितको संख्या १७९८ पुगेको छ भने ८ जनाको कोरोना संक्रमणका कारण मृत्यु भइसकेको छ ।
हालसम्म ५९ जिल्लामा कोरोना संक्रमण फैलिइसकेको मन्त्रालयले जनाएको छ । कोरोनाको संक्रमणबाट २२१ जना निको भएका छन् ।
