![](https://pathibharanews.com/wp-content/uploads/2018/03/Salman_Khan_HTLS2.jpg)
एजेन्सी । बीगबोस १३ ले कन्ट्रोभर्सीका कारण सिजनमध्ये अहिलेसम्मकै धेरै रेटिङ पाएको थियो । यस्तैमा यसको १४ औं सिजन छायांकनको तयारीमा निर्माण टिम रहेको बलिउड हंगामाले उल्लेख गरेको छ ।
अघिल्लो सिजनहरुमा जस्तै यस सिजनमा पनि सलमानले नै कार्यक्रम सञ्चालन गर्ने छन् । सलमानले १४ औं सिजनका लागि प्रोमो छायांकन सकिसकेका छन् । जुन कलर्स टिभीबाट चाँडै प्रसारण हुँदैछ ।
सलमानलाई यस सिजनका लागि २५० करोड पारिश्रमिक प्रदान गरिने छ । एक स्रोतले बलिउड हंगामालाई यसबारे जानकारी दिँदै भने,“सलमान खान सानो पर्दामा सबैभन्दा धेरे पारिश्रमिक लिने अभिनेता हुन् । उनलाई १४ औं सिजनका लागि २५० करोड पारिश्रमिक दिइँदैछ । उनले हप्ताको एकदिन र दिनको दुई इपिसोड छायांकन गर्नेछन् ।
अर्थात उनले १२ हप्ता छायांकन गर्नेछन् । उनलाई एकदिन छायांकनका लागि २०।५० करोड पारिश्रमिक प्रदान गरिनेछ । हरेक वर्ष जस्तै यस वर्ष पनि सलमानसँग ‘ब्लाङके’ सम्झौता गरिएको हो । जसमा उनी टेलिभिजन च्यानलको केही अवार्ड कार्यक्रमहरुमा पनि उपस्थित हुनु पर्नेछ ।”
सेप्टेम्बरदेखि प्रिमियर हुने भनिएको यो सिजन वर्षाका कारणले गर्दा पछाडि धकेलिएको हो । बिग बोस १४ का लागि मुम्बइको फिल्मसिटीमा भवन बनाइँदै छ । वर्षाका कारण अझै भवन पूर्ण रुपमा तयार भइनसकेकाले निर्धारित समयमा प्रिमियर गर्न अवरोध आएको हो । जसकारण अक्टोबरको मध्यतिर प्रसारण हुने अनुमान निर्माण टिमले गरिरहेको छ