काठमाडौं– पर्यटन तथा नागरिक उड्डयन मन्त्री रवीन्द्र अधिकारीको ताप्लेजुङमा भएको हेलिकप्टर दुर्घटनामा निधन भएपछि सांसद् योगेश भट्टराईले घटनामाथि आशंका व्यक्त गरेका छन् ।
भट्टराईले फेसबुकमा लेखेका छन् ‘भीआईपी उडानमा पाइलट सहित् ५ जनाभन्दा बढी पाथिभरामा उडान गर्न मिल्दैन भनेर केहीलाई सुकेटार वा ताप्लेजुङ् बजार मै झारेरमात्र पाथिभरा उडान गर्दै आएका छन् पाइलटहरुले । तर आज मौसम् खराब हुँदाहुदै ७ जनालाई लिएर किन उडान गरियो ? समयले उत्तर माग्छ ।’
भट्टराईले गरेको आशंकाले गम्भीर प्रश्न उव्जाएको छ । र, यदि प्राविधिक पक्षबारेको वास्तविकतामा हेलिकप्टरमा ५ जना मात्रै राखिने गरिएको हो भने छानविन गर्नैपर्ने विषय बनेको छ ।
सांसद् भट्टराईले उठाएको प्रश्नसँगै वाईडबडी प्रकरणसँग जोडेर विभिन्न अनुमानसँग जोडेर सामाजिक सञ्जालमा बहश नै सृजना भएको छ ।
त्यस्तै एयर डाईनेष्टि कम्पनीको वेबसाईटमा पाइलट सहित ६ जना क्षमता भनिएको छ तर आज दुर्घटना भएको हेलिकप्टरले किन ७ जना क्रु लिएर उड्यो ? यहाँ पनि गम्भीर प्रश्न खडा भएको छ ।
