काठमाडौं (पास)– युवा पुस्तामा लोकप्रिय बन्दै गरेका इलाम नयाँबजारका गायक कृष्ण बि भट्टराईको ‘बुढापाकाले…’ बोलको गीत सार्वजनिक भएको छ ।
‘कुल–कुल’ बोलको गीतको सफलतापछि गायक भट्टराईले हिजो आफ्नै युट्युब च्यानल ‘जीके ईन्टरटेन्टमेन्ट’बाट ‘लिरिकल’ भिडियो सार्वजनिक गरेका हुन् ।
पछिल्लो समयका चर्चित संगीतकार शिखर सन्तोषको संगीतमा सञ्चारकर्मी एवं गीतकार सञ्जय बरालको शब्दमा भट्टराईको आवाजमा गीत तयार भएको छ । मिलेसम्म मिल्नु भन्छन् बुढापाकाले, अझ के–के देख्नुपर्छ दुईटा आँखाले… । आजभोलि बजारमा बिकिरहेको चल्तीका शब्दहरु भन्दा निकै पृथक शब्द रचना र गीतको भावको गाम्भीर्यताले स्रोता दर्शकको मन तान्छ भन्ने बिश्वास लिएको गायक भट्टराई बताउँछन् ।
सत्य कुरा भन्दा झुटो कुरालाई वढी र छिटो विश्वास मान्ने जमाना आएको भन्दै यो गीतले ‘ईमान झुक्छ बैमान टिक्छ’ भनेर बुढापाकाले भन्छन् भन्दै पछिल्लो समयमा मौलाउँदो विक्रितिलाई तीखो ब्यंग्य गरेको छ ।
यस्तो छ गीत…
